wellcome to kuwait

طلع على لساني شعر وانا اعدد بانجازات حكومتنا الرشيدة
لكن الظاهر ان الاعلام مقصر !!

العين الساهره

حبيبتي ليش حكومه الكترونيه الكويت حلاتها بالزحمه وناس فوق ناس والوصل زين وانا اختج خلي الناس التعرف على بعضها بعض...وبرج التحرير شكواه لله لازم يكون الطابق العلوي مخصص حق ذاك المطعم الي فيه الاكل اشكال وارناق ولا اشحقا برج طويل وخامس برج بالعالم ليش مايستفيدون من المنظر الحلو بمطعم ولا متحف حق الاتصالات....حكومه مول؟؟؟من صجج حق تخليص معاملات؟؟ لا بالله ان هذه فكرة واحد نحيـــــــــس لان الي كان مخصص له هذا البرج(والعهد على قال لي من مبطي) بان يسون فيه متحف ومطعم ومحلات تجاريه للسواح يالله من فضلك و يتم استثماره من قبل المواطنين....الله يفكنا من شر الحسد والنحاسه

bo_saleh

إي والله الإعلام مقصر، ولا يهمج مدونتى تحت أمرك ، هات ما عندك

أم الحفيز

المطعم مجهز من زمان لكن ما كو أحد يبى يستثمره يدرون مكان مافى مواقف كلش ولا المطعم تقعدين تدورين تدورين موقف، الشكوى لله ، لا ومستانسين على الإنجاز أى إنجاز لازم يخشون ويوهم من الفشلة، مو الكشرة هالكبر، لا ويقول خلونا نستمتع بلحظة الإنجاز... مانى مكملة لا أخوره عدل

ابتسم انت في الكويت

والله مادري مخوخهم مركبه مقلوب و الا شلون

بس شنقول؟

الشكوى لله !!

و الحكومه الالكترونيه صارلنا سنين نسمع فيها و لا نشوفها
الدول اللي دش عندها الانترنت و التكنلوجيا خلصوا من هالمشاريع
و احنا ليلحين نخطط و نصرح !
و هذا احنا اول دول في الشرق الاوسط توصلها التكنلوجيا كانت

الله المستعان

انا اقول مع الاسف عندنا كل شى بالمعكوس
فى الوقت اللى الناس بالعالم تبنى مدن خارجية كاملة احنا دخل الاجراءات اليومية داخل العاصمة
الوقت اللى الناس تعتمد فيه
على
E-GOVETMENT

اهنى لى الحين
اوراق واختام وطوابع

خليها على الله يا بنت الحلال :)

العين الساهره

هااااااااااو من متى المطعم جاهز؟؟؟ حشا لا هو جاهز ولا قالها الله ولا المستثمرين موجودين والمواقف الي بتستوعب مراجعين حكومه مول بتستوعب زباين المطعم وخصوووووووووووصاُ ان المطاعم بالكويت تزدحم عقب العشاء...قلت لكم الموضوع نحاسه جقاله ليش فلان بيستثمر ليش مو فلنتان...قطيعه صايرين مثل الخشب بالماقد كلن ياكل الثاني وبيصفون عقب رماد لا فود ولا عايده شكوووووووووووووووه للله

ليش مستغربة أحنا بالكويت كل شيء عادي وممكن ؟؟؟

الي الوراء وأن شاء بنوصل الي طيور الزاجل أذا هذي حكومتنا ؟؟

cr8ivia

ربعنا قاعدين يخططون إلى الوراء وكلمال القرارات من سىء إلى أسوء لأن القرار من شخص واحد فقط لاغير واللى مو عاجبة يشرب من البحر

mishari

الدول تمشى إلى الأمام وإحنا إلى الخلف در، قرارات الحكومة 180 درجة إلى الوراء بدل ما تكون 180 درجة إلى الأمام، كل هالتطور والتكنولوجيا اللى في العالم وإحنا نشوفها ونرفع شعار كيف تعذب المواطن، قلتها من قبل وأقولها مرة ثانية يبون يطفشون من الديرة علشان تخلى لهم، لكن حامظ على بوزهم

أم الحفيز

من مصادر موثوقة جداً المطعم مجهز بالمعدات لكن مافي أحد من الشركات المعروفة تبى تستثمره، إذا الموضوع فيه نحاسة ماعندى خبر، بس المواقف يا عبر الأثير أقصد الشارع ولا خلف البرج مواقف طوابق بس يبيله مشية شوى وخبرج الكويتيين لو يقدرون يدخلون بالسيارة داخل المطعم جان سووها

خلينا من الحكومة والمول بتاعهاوقولى يا جميل يا أشقر يا منور ولابس قميص أصفر، إنت باغية المطعم تستثمرينا؟ من ورانا يا جميل

bazoon

صدقتى ، الحكومة ماضية قدماً إلى عودة الكويت إلى ما قبل النفط، علشان إذا خلص النفط إلا إحنا في بيوت طين فما نتأثر ونتحسر على الكهرباء والماء وكماليات الحياة، خوش خطة

ما يقدرون يريحون الناس
لازم يذلونا علشان نركض وراهم وورا نوابهم

هذي سياسة مدروسة

العين



انا من شهر 9 تقريبا انهيت علاقتي ويه الجرايد حدي الصفحة الاخيرة والفن


كنت اطالع التلفزيون وشفت الوزيرة والوزرا الباجيين بس كلش ماثار فضولي ادري ماكو سالفة والحين عرفتها منج


ماكو فايده احنا نحتر وناكل بعمرنا واهم موفالحين غير بابتكار المسميات الرنانة


حكومة مول

مدينة الحرير

وذاك اليوم مدينة الحجاج



حجيهم وايد

عاجل

كلامك صح 100%، وأمس كلمة جاسم الخرافى اللى قالها في افتتاح دور الإنعقاد تتكلم عن الفساد وتدنى مستوى الخدمات، بدال ما تسمعنا شوية كلام انشاء، بروا ذمتكم وحللوا معاشاتكم وسنعوا الديرة، المسألة ما يبيلها عالم ذرة، شوية أمانة بس، لكن عمك أصمخ

من يومين كتبت جريدة القبس أن وزير التجارة والصناعة فلاح الهاجرى قام بندب ستة هواجر وعينهم في الوزارة، أظنى هذول كلهم عيال عمة والبقية تأتى ومسلسل التجاوز والسرقة مستمر من قبل الوزراء والنواب وما دونهم

soulvoice

أحسن شىء سويتيه، لأن بصراحة تصريحات المسئولين استخفاف بعقول المواطنين، جنا إحنا ما نفهم شنو يايبينا من الغابة ولا كنا عايشين في قرى في أفريقيا ما ندرى العالم شنو فيه، لكن إحنا نحتسب عند الله سبحانة إنه ما يوفقهم في مسعاهم لسرقة البلد والرجوع بها إلى الوراء، لابد للليل أن ينجلى ولابد للصبح من إشراق
ونحن بهذه المساحات البسيطة سنظل نحاربهم حتى ننجح بإذن الله

الحقيقه..ان الحكومة مول والحكومة اللإلكترونية

هي مشاريع ظاهرها جميل وباطنها قبيح..هل تصدقين انه الحكومة ستقوم بإراحة المواطن عبر الانترنت حتى لا يأتي زحفا اليها عبر نائب او واسطه او رشوه..المواطن متى ما أُعتقد من نير الحكومة لن تكون لها سلطة عليه والبتالي سوف توقم عقيرته بالارتفاع ضد الحكومة..لكن وبما انه خاضعا لها فلن تقوم له قائمه..حكومتنا عودت المواطن الكويتي على الخنوع و ( الخرفنه) فبتالي هذا القطيع لن يبتعد كثيرا عن الشاوي

ملاحظه: اعتذر عن التشبيه ولكن هو ابلغ مايكن وصفه لحالتنا للاسف

والله احتريت !!!! احتريت من القهر .. كل شيء بصوب والتسمية بصوب !!! الحكومة مول؟ مالت عليكم بلى مالت عليكم وعلى مولكم!!!

استغفر الله العظيم

حكوووومة موووووووووووول؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ليييييييييييييييش


!!!!

وبالنسبة للموقع !! يعني مكان بدون شيء مزدحم !!!! تزيدون الزحمة زحمة؟ ما عندكم 15 مليون دينار تقطونها على مكان مافيه زحمة؟ تبنون مجمع حكومي وتسمونه حكومة اكسبرس او اكوا حكومة؟ او بيتزا حكومة او شوبيز الحكومة؟

سبحان الله!!!


صاااااااجة رحمة الله عليه بريء من اعمالهم وطغيانهم


وايضًا قرأت بجريدة اليوم خبر استقالة وكيل احدى الوزارة اتوقع نفس اللي اشرتي اليه.. وسبب الإستقالة ليتفرغ لشركاته وامواله...

الله يهنيك بكل فلس حلال والله من كل قلبي اتمنى ان الله يزيدك كل فلس حلال دبلات مضاعفة

والحرام شيء بينك وبين ربك ما اتدخل انا

والله يهدي الجميع!!! والله انقهرت


وكلامج لازم ينكتب بالصحف

العين الساهره

يمااااااااااااااااه منج قارئة فيما بين السطور....ومشكوره على الاطراء ياختي رفعتي معنوياتي ماني قادره احجي حسبي الله على ابليسج سمرتني بمجاااني من الحيااااااااااااااا وخزيااااه

krakatoa

تشبيهك في محلة، ونعم القول، وحياك الله في مدونتى

i_live_in_q8

هذا شىء من أشياء، حسبى الله ونعم الوكيل. وليش مبنى جديد عندهم مجمع كامل في جنوب السرة من حقة، إذا عتج حولوا الموظفين هناك. من متى وإحنا نسمه أنهم راح يبنون مجمع وزارات في جنوب السرة على الدائرى السادس علشان تخف الزحمة بالديرة، المبنى خلص ومجمع الوزارات صامد. أتذكر أول ما قالوا عن مشروع جنوب السرة، الناس شاشت وقالت شلون بناتنا يداومون هناك بعيد وايد على الدائرى السادس ماكو شىء بس بر، الحين بناتكم يحوسون بكل داعوس يت على الدوام، يما منكم، الدائرى السادس صار بعيد، منو مجابل أرض المعارض كل إسبوع؟

مشكور على كلامك الطيب، وبجهودكم راح
يوصل هالمقال إلى الجرايد مثل ما وصل مقال عزيزتنا تويتى
وحياك الله في مدونتى

أم الحفيز

ما قلنا إلا الصج وأنا إختج، ومن ساب أديمه تاه ولا إشرايج

اي حكومة مول وما ادراك ما حكومة مول
موديني اهناك اداوم فيه تدوير في شهر 8 اللي طاف الله يلوع جبودهم عارفة خباياه وما خفي كا أعظم الطابق الثاني كله مافيه تكييف سنع والمصلى غرفة اتييب اليهد والغرف اللي يمها تقولين غرف عزابية مهجورة حتى مو مفروشة ماقول الا مااااااااالت على البامية