الأحداث اللى مرت على ديرتى الحبيبة الكويت من تلاسن وشتم بين أعضاء الأمة للأسف، وجميع المواضيع الأخرى، خلتى أعزف عن الكتابة لفترة قاربت الشهر. بصراحة ما قدرت حتى إنى أفتح الكمبيوتر، أكتب شأقول، إنى حالنا وصل الحضيض؟ إن الديرة ماشية ببركة الرحمن؟ الديرة الله حافظها مو ناسها؟ إكتئبت وايد، لإنى كتبت وكتبت وتعبت وأنا أكتب وأقول، وغيرى من المخلصين كتب وقال، لكن للأسف ما من مجيب. 0
0
أقول لأهل ديرتى: 0
هل هذا اللى رجوتوا لعيالكم
هل هذى إهيا البلد اللى سلموها لنا آبائنا
هل هذا أهو التطور اللى راح تورثونا لعيالكم
تعليم بالغش
رعاية صحية بالواسطة
وظيفة براتب بدون دوام
هل هذا اللى تبون عيالكم يذكرونكم فيه
بوق وسرقة وتطاول على المال العام
معاشات وزيادات بدون عمل
ملاسن وشتيمة عن البوقات
وكلهم حرامية
شلون تنامون الليل
ولا تهنؤون بلقمة
وإنتوا ما تدرون شنوا راح يصير باجر
شلون تستانسون وتبذرون الفلوس يمين ويسار
والديرة ما عندها خطة مستقبلية
الكهرباء تسلم عليكم
إن عاشت هالسنة
ما راح تعيش السنة الجاية
والمستشفيات بتتبعها مع قلة الصيانة
وغيرها وغيرها وغيرها
والأمر من هذا كله
حكومة فاشلة
ضعيفة
خوافة
ما عندها قرار
ما تعرف إلا لغة الفلوس
إصرف ما في الجيب يأتيك ما في الغيب
ولا شيوخنا الأفاضل
آخ وألف آخ
عيالنا يسوون برامج كمبيوتر
وشيوخنا مخهم هايم بالسلطة
ما يصير
الشعب متطور وحكومته متخلفة
معادلة صعبة
منو يحلها
وشلون يحلها
تبى قرار
قرار جرىء
من أشخاص مخلصين للبلد
مو حفنة نواب مرتزقة
فكروا زين بكلامى
ترى باجر ما ينفع الندم
وتقولون يا ريتنا سمعنا فلان لما قال
ترى ديرتنا ما تستاهل اللى يصير
ديرتنا جنة
الله خصنا فينا دون غيرنا
خافوا عليها
حافظوا عليها
حبوها من كل قلبكم
مثل ما تحبون نفسكم
وعيالكم
يا ترى هل من مجيب
Labels: سياسى
