At 4/12/2007 9:37 PM, !
At 4/13/2007 7:09 PM, العين الساهرة
bazoon
اللهم آمين
إيه والله شىء يفشل، عيل لما سمو الأمير زار لندن وقابل مارغريت تاتشر، سألت وزير الداخليه والدفاع، جان يرد عليها "شنو" بالكويتى، يا حافظ ولا كلمة إنجليزى، كم سنة وزير ما تعلمت شىء، وتبون تصيرون وزراء وحكام ، تعلموا
أما بطانة سمو الأمير ، فهى من نايلون رخيص جداً ، أى شرارة صغيرة ، يشب نار عظيمة
At 4/15/2007 1:00 PM, ام الحفيز
العين الساهره
تعوذي من ابليس وبسج ذم بأهلج وهذه مهي حاله كل بوست مستلمه واحد مادري وحده من الاسره ونازله عليهم ياربي ليش؟؟؟ ترى هم عزوتج والي يجير عليهم يجير عليج..ومحد رح ينفعج ان طاح الفاس فوق الراس وشيوخنا الله يسلمج عزوتنا واهلنا ومالنا غنات عنهم ، واذا انتي تقولين ان كلامج هذا نصيحه
انا اقولج يا اختي النصيحه وسط الناس فضيحه....واذا عندج كلام بتقولينه عندج مجلس عائلتج روحي لهم هناك عباتج ونقابج عليج وانصحيهم وارشديهم اسمالله عليج انتي بعد بليغه بالكلام وما عليج قاصر
والله يهديج وينور بصيرتج ويطرح فيج البركه الللهم امين
At 4/15/2007 7:11 PM, العين الساهرة
أم الحفيز
لو كان الكلام من وحدة غيرج جان ردى كان غير
عزيزتى الغالية أم الحفيز، أنا أدرى بغلاتى عندج، ولو مانى غالية جان ما كتبتى هالكلام
أولا: إحنا طول عمرنا من وعينا على هالدنيا وإحنا نقول شيوخنا هم عزوتنا، لكن لى متى وإحنا نقول هالكلام إذا نشوف حالنا وحال ديرتنا ما يسر، وهالشىء من سنين مو أمس واليوم ، وكل ما صارت مصيبة قلنا ما نبى غير شيوخنا، إنزين إحنا ما إختلفنا عليهم هم حكامنا إلى يوم الدين، لكن هذا مو معناته إنهم يتخبطون في القرارات ويتركون البلد في يد المتأسلمين يلعبون فيها وبثرواتها مثل ما يبون، ونقعد نطالعهم ونقول شيوخنا عزوتنا، باجر إذا لا قدر الله صار شىء مو نافعينج شيوخج ولا المتأسلمين كلن بيشيل شلايله ونقعد إحنا نتحسر. بالذمة من بعد التحرير إلى الحين شنو شىء زين سوته الحكومة داخل الديرة، البوق زاد وصار أشكره، والتعليم إنحدر، والجرايم زادت والصحة على البركة، وتقولين ما أتكلم، شيوخنا يا حبيبتى إذا صار فيهم شىء طاروا لندن ولا أمريكا ولا يابولهم طبيب من برة، أنا وياج شنو نسوى؟
عيالنا ودخلناهم مدارس خاصة ، والعلاج قمنا نروح مستشفيات خاصة، بذمتج هذا مكافأة شيوخنا لنا؟
وعلى فكرة ، من قال لج إنى ما تكلمت وقلت هالكلام في مجلس الشيوخ، ولمعلوماتج، كثير من أبناء وبنات الأسرة مو عاجبهم اللى قاعد يصير لكن كثير منهم مثلنا ماله حيلة غير الشكوى لله
At 4/15/2007 7:18 PM, العين الساهرة
mishari
الله يهديك يا مشارى، ما توقعت يكون هذا ردك، هذا صالح العجيرى أطال الله في عمره إذا تكلم ماشاء الله لغة عربية فصحة، ودارس معاه سمو الأمير، وسالفة إنه كبير بالعمر مو حجة، غطلبوا العلم من المهد إلى اللحد. المفروض هذه الأشياء الواحد يتعلمها في شبابه مو الحين، عيل شلون وزير خارجية 40 سنه؟
اللى أبى أوصله ، إن إحنا كشعب صرنا مثقفين وواعين، لن نرضى بأن يحكمنا شيوخ تعليمهم ما يتعدى الكُتاب، وإحنا في زمن صعب محتاج أشخاص أصحاب قرار. وهذا إنت شايف شيوخنا في الوزارات!!؟ لا تطوير ولا يحزنون بس كاشخين بالبشوت ويستقبلون، والبلد يرجع ورا
At 4/16/2007 4:43 PM, متلف الروح
الأخت الفاضلة العين الساهرة
مسا الخير
أول مره الصراحه اقرا مدونتج و ما كنت ادري عنها بالصدفة لقيتها و ما شاء الله عليج تعبرين باسلوب حلو عن أفكار وايد مهمة
الله يعطيج العافيه و اتمنى الله يوفقج و دوم تكتبين كتابات حلوه و معبره .
اتفق معاج تماماً على ماجاء في المقالتين المراسم و الارتجااال صاجة ومليون صاجة
مع جزيل الشكر مع السلامة
At 4/16/2007 4:56 PM, ام الحفيز
العين الساهره
هاااااااااااااااااووووو....يعني شنوا؟؟؟ بتقولين فيني ولا بتقاولييييني
ياربي ناصحكم فاضحكم
خلاص يا كلمه ردي مكانج....
وييييييي انتي النوع الزعووول
ياحافظ الهون بالهون ابرك مايكون ونص الميه خمسين ....حبيبتي ولو الامور تندار بالقيل والقال جان محد كسب الجوله النقاشيه الا الدلالووووه خووو هم معروفين قول يا لساني وانا اقول
المهم الحكمه بالحوار هي المطلوبه من غير تشنج وتشهير بخلق الله اعيوووني
وسلامتج