This comment has been removed by a blog administrator.

العين الساهره
اتهقين الخطوط العراقيه يقدمون باجه وكراعين ولسانات وراسين بصل وليمونه وخبز خمير؟؟؟؟
بس صج الذرابه بالصيني يفتح النفس
بس الله يهديهم ما حطوا اتميررره والبينه
ياحافظ افتح ريج بدسم؟؟

ذكرتينى رمضان اللى طاف طفرت بالطيارة وصكت فينى الدنيا لانى قاعد اتحلم بالتشريب والهريس وعلى ابو ان الرحلة قصيرة معطينا اكل عصافير ما يدرون ان ما يوفى معاى

صحتين عليكم :)

أم الحفيز

كاااااااع كاااااع، الله يقطع إبليسج يا أم الحفيز. ويمكن يقدمون كباب عاد أهما مشهورين فيه . الأمريكان أول ما دخلوا العرق قشو على الكباب

3almashi

يصير، بس بعض الأصناف شكلها مايشجع عالأكل، أخاف يحوشج تسمم لا سمح الله

mishari

لا يحوشك صيام وسفر ، كلش مو خوش. أعرف ناس إذا يبون يروحون العمرة حطوا التمر والشوربة والمشخول بحافظات حرارة علشان متى ما أذن طاحوله

الاكل على حسب الزباين :)

موضوع حلو

تحياتي

kitty

أنا ما أعرف آكل بالطيارة ساعات أشتهى ويكون الأكل حلو وساعات ما ادرى تنسد جبدى

شوفيلج سفرة عمرة في رمضان علشان تتفطرين بالطيارة. معلومة : العمرة في رمضان بهدلة بمطار الكويت ومطار جدة يأذن وإنت يا قاعدة في مطار الكويت ما سافرتى ولا وصلتى مطار جدة وتنطرين الجوازات ، يعنى ماكو أكل بالطيارة. ماكو الا تشوفين موعد طيارة يصادف وقت الفطور وإنت بالطيارة هاهاها

تقبل الله طاعتج

bo_sale7

وإنت الصج الأكل حسب الزباين

مشكور هذا من ذوقك

مبارك عليك الشهر

عيل الخطوط الفلسطينيه ... شنو يقدمون "منسف" ولا "زتنونات"...والمصريه راح يقدمون "كوارع وفته وملوخيه بالارانب"...يا عين...أنتي تشتغلين بالبنك ولا كاسكو...هاهاها ... أضحك معاك والشعر ليش انك غاليه... كل ما كتبت شويه ... قلت مو زين أبي أحسن ... ولاتظلميني كل مواضيعك معلق عليها

يحليلهم .. بس انا اشوف احسن شي الكويتية سنع حتى بالاكل

استغفرالله الهنديه مادري شلون قايل اكلهم

الايرانيه.. اخاف خاشين صاروخين نووي صغار بالعيش واحنا ماندري.. هيهيهي

خوش موضوع :)

مع إني أكره الخطوط الكويتية بس شكل أكلهم أحلى شي ..

بس السؤال اهني ، هذا كله في أي درجة؟ ترى تفرق.. ووين الخطوط البريطانية يالعين؟

freeq8

إنشاء الله أجربهم وأحط الصور، بس على فكرة الخطوط الفلسطينية ما عتدهم طيارات هاهاها

وبالنسبة للشعر نصبر أمرنا لله ، بس شفت المكان اللى خاشتة موقع استراتيجى على شارعين وزاوية وترى طالبين فيه 40 ألف بس حق الموقع وأنا أقول لهم لا خاشتة حق أخوى فرى كويت أهوا حاجزة من زمان

nescafe

صاجة الكويتية على سوء خدماتها بس أحسن اكل، والهندية على قولتج الأكل استغفر الله تحسين يمرض. والإيرانية هاهاها بدعتى صواريخ صغار هاهاها

witty

الأكل منوع، بس الخطوط الكحيانة الأكل تعبان على جميع المستويات. وبالنسبة للبريطانية ، ما تشوفين التشدد إشلون نصور، إذا سمحوا بدخول الكاميرات إنشاء الله أحط صورة غالية والطلب همبة

على طارى الخطوط البريطانية إخت صديقة إختى (صارت لغز) راجعه من امريكا حق الكويت على البريطانية ومعاها طفل صغير. الظاهر مو شايفة التعليمات ومعاها بطل حليب وعلب صغيرة اللى فيها الأكل الجاهز جميع الاشكال، إقعدت تفتح علبة علبة وتذوقهم علشان تدخل الطيارة، تخيلى تأكلين وتشربين حليب يهال
........

هاهاها إي ، مسوين جذي مع كل الأمهات .. الله يستر برد إن شاء الله بالكريسمس ، شكلي حتى ماي ماني شايلة معاي ,, والا الله يعينا على الكويتية :/

وبعدين لحظة ، منو ابن والا بنت بطوطة اللي مصور هالصور كلها مشالله؟ هيهي

الحين س 2 الاربع واشوف هالوجبات انهااااار


لوول صاجة والله السعودية خبيصة

شهالعفسة



الياباني صحن واحد بس!!!!



اتصدقين عاد يالعين مادري ليششش احب اكل زبده بالطيارة واتلذذ فيها

نسيت اقولج كل عام وولدج بألف خيررر وعئبال ماتشوفينه معرس



ولد اختي نفس تاريخ ميلاد ولدج الله يحفظه بس سنة 93 :))

ياعين أول... أقرئي الشعر المختلف... الي كتبته... علشان تصدقيني... وبعدين أقرئي القصيده الأخير... وهذه بعض المحاولات

لك التحيه يا من على الرأس والعين
مكانه وعينه على الناس ساهره
ولك المحبه تظهر على القلب ألحين
ودوم تمشي لك وللبلوغ داخله

والثانيه
ياعين طلبتي طلبه الغالي الزين
ألي على قلبي عزيزاً وغالي
يا عين ما عرفت أبتدئ منيين
وأن بديت مقدر أقول المحالي
أنتي الذي على الرمش أتعلين
وانتي التي مالك وصف بخيالي

والثالثه
لك التحيه يامن على الرأس والعين
مكانه وعينه على الناس ساهره
ولك الوفا الذي أعرفه وأبخصه زين
ولك ورود الأخوه بين الشعر ناثره
أكتب قصيدتي وأفي لك الدين
وأرسم حروفا من المحبه كاثره

والأخيره
ياعين يالي على خدك تهلين
دموعاً من القلب جما النهر جاري
ويالي على شوق الحبايب تحرصين
ترتاح لك النفس وتسكن الدار
أنتي الحبابه ومن الطيبه تنبعين
وأنتي العين الي نروي منها الصحاري
يلفي لك المضيوم وأنت تسهرين
على الخلايق والكل عارف وداري
وأنتي الزهور من ماي قلبك تسقين
وأنتي النجوم والشمس في مدار
وانتي الوضوح لى أغمضت عني العين
وأنتي الصراحه تشرق كل يوم بنهاري
يا عين كتبت ما شفت منك الحين
وباكر أنتي أشهر على العلم من النار
من الطيور الصقر أنتي تودين
وأنتي أفضل لي من طيور الحباري
جددت في عهد الاخوه الحلف والدين
تصب المحبه فيك وتصبح خباري
قلت القصيد الحلو فيك وأنتي تحبين
اقوله في البلوغ وهذا اختياري
قلت ومن نفسي نشدت لك الزين
بالصحه والسلامه أدعو لك الباري
يرفعك فوق الرأس ويحطك على العين
ويجعلك مع الي تحبين طيراً الكناري

هذه القصائد ... علشان تعرفين غلاك عندي ومحبتك الأخويه ... أختاري الي تبين منهم... وحطيه بالبلوغ ...والرجاء لا تنشرين هذا التعليق وأحفظيه عندك لأنه خاص لك

وشكراً ...أخوك فري كويت

بسنا اكل بسنا اكل

:)


انا ماحب آكل بالطياره بس شسوي أجامل الكابتن أخاف يزعل
هاهاهاها

witty

بالسلامة إنشاء الله، ولا تحاتين البريطانية إبتدت تخفف من التفتيش وتسمح بحمل الحقائب
بصراحة ما أدرى منو المصور ، بس أكيد عنده هواية تجربة جميع أنواع الخطوط

soulvoice

صاجة زبدة الطيارة طعمها غير اللى ناكلها بالمطاعم

والله يبارك فيج ويخلى لكم ولد إختج

freeq8

مشكور وايد ، الأبيات جميلة وراح أختار منهم وراح تشوفهم في الزاوية قريباً

fuzzy

هاهاها عجييييييب

شنو الي عجبك ... وترى جنك نشرتيه في البلوغ ... على العموم أهي قصيده خاصه ... وترى ما عمري كتبت بطلب من أحد ... أو حق أحد بطلب
وشكراً