مقتطفات من الكويت
Tuesday, September 12, 2006, posted by العين الساهرة at 1:55 PM
أقام الصندوق الكويتى للتنمية دورة تدريبية لموظفيه في معهد الإليزيوم بعنوان "فن الإتيكيت"، لا أعلم حقيقة علاقة الدورة بموظفي الصندوق ، لكن الظاهر أن بعض المؤسسات هذه الأيام تسعى إلي الترفيه عن موظفيها بشتى السبل الممكنه!!؟ الله يرزقنا
------------------------------
قام إثنين من الشباب الكويتى بكتابة قصة وتصويرها وإخراجها بمجهود كويتى مئة بالمئة. القصه بعنوان
Why is He Always Smiling ?
إنشاء الله تعجبكم
-----------------------------
وافق ديوان الخدمة المدنية مؤخراً على زيادة بدل السفر والانتقال للموظفين المكلفين بمهمات بالخارج كما يلى
مبلغ 350 دينار يومياً للمعينيين بدرجة وزير
مبلغ 250 دينار يومياً لشاغلى مجموعة الوظائف القيادية
مبلغ 220 دينار يومياً لشاغلى مجموعة الوظائف الأخرى
وقد صادق على القرار د. اسماعيل الشطى رئيس مجلس الخدمة المدنية بالإنابة !!!؟بتاريخ 13 أغسطس 2006
ما شاء الله كرم الحكومة هالأيام غير شكل. يجدر الإشارة إلي أن مؤسسة البترول الكويتية قد تقدمت بطلب زيادة مخصصات السفر للموظفين بمبلغ 10 - 20 دينار كويتى فقط. هالمرة الحكومة أحسن. القرار صدر في جريدة الكويت اليوم عدد رقم 782
--------------------------------------
 
23 Comments:
« back home
Post a Comment


At 9/12/2006 3:32 PM, Blogger freeq8

مريت.. لقيت الموضوع القديم.. وكما علمتيني.. ضغطت على شهر سبتمبر ...واذا الموضوع الجديد يظهر تراااا...
أولاً هذه بركات المدير العام الجديد"عبدالوهاب" وممكن الدوره القادمه تكون عن" فن الطبخ" والي بعدها عن "فن التذوق والاكل" وهاكذا...الظاهر الصندوق فيه بنات وايد مو متزوجين ويبون "يزهلقونهم"وبعدين يزوجونهم
القصه...قويه قويه...بس فيها ابداع وفكرة ...أنتي على فكره تصلحين مخرجه... بس ما اعتقد في الكويت...والله من وراء القصد
السيد "أسماعيل"لابد أن يزيد لانه من المستفيدين من كثرة السفر بس هذه المبالغ صغيره على السرقات الكبرى لاملاك الدوله واراضيها كفيلكا وبوبيان...ما شاء الله عليهم يحبون الجزر...والعبلي والقسائم الصناعيه ...وهذى الكويت صل على النبي

 

At 9/12/2006 3:51 PM, Blogger freeq8

كله الاول... عندك
على فكره قريتي القصايد بيني وبين "بوصالح" ...وشنو رأيك فيهم اذا قريتيهم
وأنتي اول وحده ... تدري أن -الجزء الثاني -من الذكريات... ترى راح ينشر باكر
وتابعينا

 

At 9/12/2006 4:00 PM, Blogger Fuzzy

هالصندوق عجيب يخر فلوس ... دورة فن الاتيكيت ما ادري شنو حاجتهم لهالدورة بس يله خل يتعلمون الذرابه هاهاها .. قرار زيادة مخصصات السفر قرار حكيم لان الموظف لو يسافر اي دولة اوروبية ال 120 دينار
مالت اول ما كانت تكفي .. واذا راح اليابان الموظف يقط من جيبه هاهاها .. شغال عدل اسماعيل وقع القرار وصبغ اللحيه :)

 

At 9/12/2006 4:03 PM, Blogger العين الساهرة

freeq8
إشدراك إن الصندوق فيه بنات وايد مو متزوجات الظاهر تشتغل هناك

ماشاء الله إشدرك عن مواهبى، وصاج آنا ما أصلح بالكويت

الله يرزقنا وياهم

لأ بعد ما قريتهم. أقراهم وأقول لك رأيي

 

At 9/12/2006 4:06 PM, Blogger العين الساهرة

fuzzy

إذا عندهم فلوس زايدة خل يسوون شىء حق هالشعب المسكين ولا لما يتكلم الشعب يقولون ما فلوس

شكل إسماعيل الشطى راح يرثع من الحكومة هذه بس أولها

ماقلت اشرايك بالفيلم؟

 

At 9/13/2006 11:26 AM, Blogger العين الساهرة

3almashi

وياك

qanda q8ia

الشكوى لله، زيادة في البدلات حق الوناسة والديرة حايسة مو عارفة تحل مشكلة الماي والكهربا ، نادوا كهربا اللى في مسرحية حرم سعادة الوزير يمكن تعرف تحلها بشوية شخلعه

sara

الله يسلمج

 

At 9/13/2006 1:31 PM, Blogger حسام بن ضرار

لكن الظاهر أن بعض المؤسسات هذه الأيام تسعى إلي الترفيه عن موظفيها بشتى السبل الممكنه!!؟ الله يرزقنا
--------------------

وانتي الصاجه الظاهر بعض معاهد التدريب بحاجه الى بعض البزنس والارباح على ظهر الوزارات والمؤسسات والهيئات


والله يعافي العلاقات والتنفيع


عيل شلون نفسر إدخال خريج جامعي من امريكا الى دورة مبادئ المحادثة والكتابة بالانجليزي


والله شي يضحك ويضيق الخلق



وشكراً عالبوست

 

At 9/13/2006 1:33 PM, Blogger حسام بن ضرار

تنويه ان المثال اللي ذكرته بتعليقي فوق صار بشركة خاصه


فالله يعين الجهات الحكومية؟

 

At 9/13/2006 1:44 PM, Blogger Fuzzy

والله شقول عن الفيلم هاهاها الساعة بخمسة جنيه والحسابة بتحسب
:)

 

At 9/13/2006 2:25 PM, Blogger العين الساهرة

حسام بن ضرار

مشكور على التعليق

fuzzy

هاهاها من وين مطلع الأغنية

 

At 9/13/2006 5:09 PM, Blogger freeq8

علشان تعرفين غلاتك ...عندي
نشرت الحلقه الثانيه من الذكريات
قبل كل الناس علقي اول وحده
وكالعاده لا تحرمينا رايك
والميزان ما ادراك مالميزان
وانا... وهذه المعلومه لك فقط لاأعمل في الصندوق ...لاني ما احب القته ...واعتقد صورتي والي كتبته عن نفسي يلون وايد عللى الحقيقه التى اتمني ان لا تعرف

 

At 9/13/2006 5:14 PM, Blogger freeq8

الكلام الاخير
مو واضح وفيه اغلاط كتابيه ..سامحيني عليها
واقول ان الصوره المصاحبه للبلوغ مالي ...والكلام الي كتبته عن نفسي أيضاً في البلوغ هم اقرب ما اكون على الحقيقه
تعبت اليوم من الكتابه ...وماني ناسي القصيده بس ممكن باكر...أنشاءالله

 

At 9/13/2006 9:06 PM, Blogger العين الساهرة

freeq8

مشكور عالمعلومة وترانى علقت بس مو أول وحدة. بالنسبة للقصيدة أنطر باجر. ترى أبى أحطها تحت إسمى علشان كل يوم أقراها

 

At 9/14/2006 12:50 AM, Blogger Unknown

ما شاء الله الحكومة قاعدة تخر فلوووس ما ادرى شصاير فاجين الحنفية على الاخر :)

ابى ملاس من الجدر علشان الواحد يفتك

 

At 9/14/2006 12:55 AM, Blogger Fuzzy

من فيلم عادل امام اسمه المتسول

 

At 9/14/2006 12:57 AM, Blogger tweety

لو القصة
why is she smiling ?
جان قلت عني كاتبينها :p
ياختي والله دورة اتيكيت بدعوا صراحة
انا اضم صوتي لصوت مشاري واطالب مو بملاس بتب من هالحنفية... :)

 

At 9/14/2006 11:19 AM, Blogger العين الساهرة

Mishari

وإنت الصاج تخر فلوس والجرايد اليوم تتكلم عن إنقطاع ماء وكهرباء مستمرررررررررررر

fuzzy

أعرف الأغنية ، بس إشلون يبتها مشت مع الموضوع تمام

Tweety

صاجة والله

 

At 9/14/2006 2:39 PM, Blogger freeq8

ياعين
جنا ...الأجازه عندك مقدسه...عليك بالعافيه تمتعي فيها للأخر مع الاطفال...الي ضحكتهم بس تسوى الدنيا وما فيها
مريت لأني محتار بالشعر الي طلبتيه ...تبينه عنك أو لك أو حق بلوغك أو عن أي موضوع ... قولي لي وردي علي ... لو سمحتي
والموضوع الثاني ما عجبني ردك ولا حالتك ... وحسيت أنه فيك شئ ...عسى ما شر يا الغاليه وانشاء الله عدوينك ... وحسيت من كلمتك "تراني مو ناقصه حزن" أنه في شئ فيك ...ولأنك اخت لم تلدها امي ...حبيت اطمئن عليك ... وأتمنى يكون أحساسي غلط ... وترانا نعين ونعاون
طلعي الي بقلبك...ولاتخشين شئ

 

At 9/14/2006 2:55 PM, Blogger العين الساهرة

freeq8

مشكور وايد على سؤالك عنى. الحقيقة إنى متضايقة من الدوام وايد وقاعد أدور مكان ثانى. بس

بالنسبة على الشعر أبى عن بلوقى

 

At 9/14/2006 6:55 PM, Blogger !

اولا : الصنوق الكويتي من برة هلا هلا ومن داخل يعلم الله كل شيء فية لوعة ومافي داعي للتعليق ؟؟

ثانيا : عجيب هالفلم وزعتة على كل الي اعرفهم !!

ثالثا : آخر اعمال بوخمسين " المبتسم الدائم " توزيع 57 سيارة من خزينة الدولة على بعض الاعضاء والوزراء ايذكرني بصدام والله العظيم ؟؟؟؟؟؟

واحمد مطر يقول :

لص بلادي
بالتمادي . . . يصبح اللص بأوربا مديراً للنوادي،

وبأمريكا، زعيماً للعصابات وأوكار الفساد،

وبأوطاني اللتي من شرعها قطع الأيادي،

.يصبح اللص . . . زعيماًُ للبلاد

 

At 9/14/2006 9:55 PM, Blogger freeq8

العين


الحمد الله شئ أهون من شئ... الدوام أن شاء الرحمن مو مشكله ... وبدام هذه النيه الطيبه والحبابه موجوده... ربك ماراح يضيع عملك ... بس أهم شئ ريحي بالك وصدقيني كل شئ ينحل
ولا تتضايقين ... وعسى ان تكرهوا شئ وهو خيراً لكم ... ما تدرين رب العالمين وين كاتب لك الخير
وأنشاء الله عن البلوغ مالك
والسبت تنزل الحلقه الأخيره

بزون

ولهنا عليك
حاولت المرورعليك مكو مواضيع ولا بوست علشان أشوف شخبارك وشخبار
أحمد مطر
المهم انت او أنتي بخير
ومر علينا لانك تحب الذكريات نزلنا حلقه جديده

 

At 9/14/2006 11:41 PM, Blogger The Simper

oh government,
spend as u can...


oh government,
spend as fast as u can...


oh government,
spend to whom u like...


oh government,
DON"T spend to what is necessary...


oh GOD help us..

 

At 9/16/2006 11:29 AM, Blogger العين الساهرة

Bazoon

كل واحد يقعد في هالمنصب لازم تكون ذمته وسيعة ولا ما يمشى. وشعر أحمد مطر عجيب

freeq8

ونعم بالله، وناطرة الشعر والبوست

the simper

صدقت ، الله يعينا

 


« back home
Post a Comment