السلام عليكم :)
انا من كثر ضيقة الخلق في الدوام عندي، حاطة إيدي على خدي ومجابلة المدونات :/
أول شي مشكورة حبيبتي، بس البرتش ايرويز الحين حتى ماي صحة ما يخلونه يدش الطيارة، هالمرة هريس ويريش؟ هيهي والله جان زين .. تسلمين على كل حال :) دعواتج بس
أما القصيدة فتعتمد على سن ولدج.. إذا في الابتدائي، فهو مبدع وإذا في المتوسطة... لحظة! الحين ماكو متوسط ها؟ كل شي تغير بالكويت :((
بس القصيدة صج تونس ، إذا مو على شان بالانجليزي ، على الأقل علشان قال عن أخوه أميزنج وتيريفك بعدين عاد عيّب عليه هاها
الله يخليهم لج إن شاء الله يارب :)
At 9/09/2006 5:41 PM, !
العين الساهره
عسى الله يخليهم لك...ويخليك لهم
المهم عبر نفسه وهذ نعمه كبيره...يبيلها حمد وشكر...والثانيه أنه كان صادق في تعبيره ...وهذه أحلي وأهم لأنها خصله حميده وعكسها أنتي عرفته...شجعيه على التعبير عن رأيه... والي يحس فيه من الحين... وصيري صديقته أكثر أمه علشان يرتاح يتكلم معاك ...هذه النصائح لك ببلاش لأنك غاليه ...بس حق غيرك بفلوس
وأقرأئي قصيده رديت فيها على قصيده كتبتها "نون النسوه"في البلوغ مالها وعطيني رأيك....وشكراً
At 9/10/2006 11:31 PM, العين الساهرة
أولاً أعتذر عن عدم الرد على التعليقات وذلك لقيامى بتوصيل خدمة
وواجهتنى بعض المشاكل. DSLال
Witty
ماعليه عاذرتج تفكرين بأكلات رمضان وعليه. تصدقين كنت أول أفكر ليش نغنى هذه الأغنية جنى نفاول على لندن
qanda q8ai
الله يخليج مشكورة. واسمج وايد حلو غريب عجبنى. أول شىء ما عرفت أقراه بعدين لما شفت القندة ضحكت. أهلاً بك في بلوقى وانشاء الله تكونين من الأصدقاء الدائمين
sara
الله يسلمج. وصاجة التجليد والكتب لهم ذكريات. أول أمى الله يخليها ويحفظها يا رب كانت من نرجع من المدرسة أول يوم تجلد كتبنا. كانت تكسر خاطرى لأن الكتب وايد، بس بعدين تعلمت أنا وأختى الكبيرة التجليد وقمنا نساعدها. وإنتو بدت عندكم المدارس؟
chai 7aleeb
تصدق إلى الحين تجليد، متى يخترعون دفاتر غير قابلة للتمزق
fuzzy
الله يسلمك، الحمد لله الحين أحسن بس ما داومت ماخذة نقاهة من الشغل. وحمد لله على سلامتك عسى خذيت خوش تان جبت معاك كم كيلو جمبرى؟ على فكرة أبيك تعلمنى إشلون أسوى لوك جديد مثل أختى تويتى. تقدر ترسل الخطوات عن طريق إيميلي. مشكور مقدماً
Bazoon
مشكورة. وصاجة ماكو شىء يسوى ضيقة الخلق. إنشاء الله دوم كلنا مستانسين
freeq8
بصراحة ما أدرى شأقول بعد هالنصائح الثمينة. إنشاء الله راح أكون صديقته أهوه وأخوانه وراح أشجعه. على فكرة شنو موقع نون النسوة ما أعرفه علشان أقرى القصيدة وأقول لك رأيي