بالعكس ماشوف بمقاله اي نوع من الحسد
على النقيض مهنية عالية وسرد ومقارنة وصولا لتوصيات تخص السعودية ...اذن الهدف هو الحجي لج يا جارة ..يقصد ينبه حكومته على مشاكلهم الصحية ودخل الكويت كاستعارة مكنية لفهم لب الموضوع
لا تصيرين حساسة عن كل ما يكتب واخذي الموضوع دايما بنية صافية

تحياتي

bo_sale7

مشكور أخوى على التوضيح. بس مالقى يقارن إلا بالوفيات. الله وخدماتنا الصحية، خل يشوف الطوابير اللى بالمستوصفات والمستشفيات يقول عدد السكان 5 مليون

الله يهداه من قال له ان الخدمات الصحيه عندنا وايد فظيعه علشان يحطنا مثال يقارن فيه؟؟؟
بعدين خلصت المواضيع ولا شنو هالتغبط على الموت؟؟ واحنا ياخلاف تونا واصلين المليون وحوادث السيارات والباجيات شتاءا والجت سكي صيفا حاصده عيالنا
يعني بصراحه كلش مو ناقصينه يتغبطنا
"حاسدين الفقير على موتة الجمعه

نسبة الوفيات مقارنة بنسبة الولادات تعتبر 1:1 و احيانا 2:1 يعني نسبة الوفيات منخفضة عندنا وبنفس الوقت نسبة التكاثر ! كل مانوصل مليون ويحطون بالجرايد يموت واحد ونصير 999999
هاهاها مادري متى بنصير مليون ؟؟ كله من عيون هذا اللي كاتب المقال الظاهر لا ولابس نظارة بعد
---
بوصالح وجهة نظرك سليمة 100% بس عنوان المقال كان وايد دفش ويستفز صراحه .. الحكومة تصرف 50 دينار بدل اولاد-بنات وسقف 7 اطفال وماكو فايده
:)

ماحرني الموضوع ولا الكلام اللي انذكر بالموضوع
!!!كثر ما حرتني الردود

في (((بعض))) الردود شفت الحقد الواضح على الكويت والكويتيين، والبعض الآخر من الردود رغم عددها القليل سبحان الله حسسني ان الدنيا ليلحين بخير
والناس الطيبين ليلحين موجودين

في احدى الردود كان في كلام منطقي، وان لماذا لم يذكر الاخ كاتب المقال نسب الاشخاص لنسبة الدولة نفسها
فـ من الطبيعي لو اتى بهذه النسب لوجدنا ان عدد الوفيات عندنا بالكويت طبيعي جداً وفي السعوديه ايضاً وباقي دول الخليج والعالم

وان كانت الكويت تذكر الوفيات بعد نشرة الاخبار، فـ بالبحرين يذكرون اسماء الوفيات ايضاً متبوعاً بعنوان العزاء كاملاً على التلفاز

لكن مثل ما قلت في المقال لم يذكر الاخ النسب المطلوبه

ارتفع ضغطي من الصبح يالعين الله يهداج ، وأنا مع نسكافيه ، ما حرني المقال كثر ما حرتني الردود .. مجابلين كل صغيرة وكبيرة في الكويت.. ما يدرون إن الحال شكله بيتغير من عيونهم ..

يا جماعة حساب الأجيال ليلحين موجود والا نقص منه 50 مليون سنويا؟؟

رحمة الله عليك يا بومبارك

اي ما تموت؟

عزارئيل شغال عدل بالكويت




الله يرزقنا حسن الخاتمه

mamloo7a q8ia

صاجة ، حاسدين الفقير على موتة الجمعة. الظاهر الكاتب يحتاج كورس تعليمى عن المقارنات، وكيفية اختيار مواضيع المقارنة وأن يختار دول تتناسب وعدد السكان!!!؟

fuzzy

إي والله ، عنوان الموضوع دفش، والظاهر من عيونه ما قاعد نزيد. إحنا جذى او ما عندنا ماء وكهرباء، إشلون لو نزيد!!!؟

nescafe

زعلان ليش إنذيع أسماء الوفيات، يا أخى قدم اقتراح حق التلفزيون السعودى علشان يذيع وفياتكم

witty

مو قصدى أرفع ضغطج ،سامحينى. بس بصراحة حرنى الموضوع والردود اللى تغث. بس يطالعون الكويت، على شنو ما أدرى كل مالنا نرجع ورا وهم حاسدين

حسام بن ضرار

الله يسمع منك

الشيء الغريب ان اغلب المواضيع المارة علي تكون مرة عليك من قبل بس هل قراتي المقال ان قريتها بس مو بهالسوء ؟؟

بس احنا عندنا حساسية من الغير وكل نعتقد ان الناس ايحسدونا ؟؟

وصلنا حد في الكويت ما عاد في شيء ايحسدونا علية كل دول الخليج صارت احسن منا ؟؟؟

ولة شنو رايك ؟

ياحافظ ليش تحتروووون؟؟؟ هذا تاكيد رسمي بسنعنا وعزنا الله لا يغير علينا الا بالخير......وماتحذف الا الشجره المثمره
والله يخلف عليهم...ياربي استانست لاني كنت اظنهم بيتقبطون اهل الامارات ولا قطر وهذا معناته مثل ماقال المرحوم عوض دوخي " عذروب خلي حسنه الفتان...يا زين خلي ومحلى عذروبه....يرعاه ربي وهو عظيم الشأن..... من كل مكرووه دنا صووبه" شيلوا كلمة خلي وحطوو مكانها جاري

ولا على قولة عايده الشاعر" كايده العذال وانا من يومي ايوا اه

لا حول ولا قوة إلا بالله !!!
حتى موتتنا حاسديننا فيها !!؟
خل يقارنون عدد السكان قبل لا يسوون هالمقالة !! السعودية ماشاء الله كبيرة .. أكبر من الكويت بأكثر من 10 أضعاف !!
هذا غير الصغار اللي يموتون كل يوم من الحوادث والأمراض عندنا.. والجريدة خير برهان

قريت المقالة ما حسيت ان فيها حسد لكن الناس وخصوصا احنا الكويتين نسوى خبة غصب طيب:)
صفوووووووا النية الله يخليكم :)

bazoon

إنت تعتقدين إن إحنا عندنا حساسيى ومافي شىء يحسدونا عليه لأننا ككويتيون عارفين ببواطن الأمور ونعرف خمال ديرتنا. بس صدقينى لا يزال الخليج كله يحسد الكويت على كل شىء حتى مع أن بعض دول الخليج تفوقت علينا إلا أن الكويت لا تزال منظارهم

أم الحفيز

بصراحة ودى أصدق إنهم يتغبطونا. وتعالى الفن القديم وعرفنالج ، عايدة الشاعر من وين إمطلعتها، خوش إغنية، علامهم ما يحطونها في الفضائيات

الطير الحر

الشكوى لله ، مالنا إلا الدعاء وقراءة المعوذات

mishari

والله إحنا امصفين النية بس تعتقد من الإنصاف مقارنة الكويت بالسعودية بعدد الوفيات؟

واصلني هالايميل
الحمدالله والشكر
الناس لي بغت تكتب وتقارن بالدول الثانية تتكلم عن مستوى الخدمات والتعليم , عن البنية التحتية , الاستثمارات
مو ليش معدل الوفيات أقل لأن ممكن ما يكون بسبب الاسباب اللي ذاكرها الاخ العبقري فالموت والميلاد بيد رب العالمين ومالها أي علاقة من قريب او بعيد بمستوى الخدمة والتطور
احنا دايما اللي لازم انصفي النية
بس هم المفروض الواحد لما يكتب يكتب بشكل منطقي مايولد لبس عند القارئ الا اذا كان يرمي الى غاية الله اعلم بها

العين الساهره

تبين تعرفين ليش ما يحطونها....لانها تثير الفتن طال عمرج اي اغنايه ثوريه عنصريه برجوازيه وايووووووا اه

احنا مثل العومه ماكوله ومذمومه
وكلمن يحسدنا ... وأحنا ما فينا شئ ينحسد ... وكل ما قالوا أحنا احسن من غيرنا ... الناس سبقونا بسنين واحنا مكانك ما تحركنا ... وهم يحسدونا "هم يحسوني على موتي ويأسفا حتى من الموت لم اخلو من الحسد"غناها عبداللطيف الكويتي من زمان

وياعين... وياعين

Kitty

شفتى الناس يدورون ديرة فيها نفس عدد السكان تقريباً بعدين يقارن، مو يقول الكويت والسعودية، لو الكويت والرياض يمكن. وبعدين ليش زعلان إنا إحنا نذيح أسامى موتانا، يبى عندكم ما يصير. يعنى واحد يموت في الرياض، اللى بجدة يشوف التلفزيون وطق طيارة حق الرياض يحضر الدفن ولا العزا ويرجع

tweety

إحنا دايماً إمصفين النية لين صرنا طوفة هبيطة كلمن يدوس علينا


أم الحفيز

الله يهداهم أهما من حطوا هاللحى وصار كل شىء يثير الفتن. حتى لو واحدة لابسة عباة هم بقولون تثير الفتن. ضعنا معاهم ما ادرى اشيبون يبا لاتطالعون تلفزيون وخلونا نرفه

freeq8

أول شىء من زمان ما علقت، الظاهر مشغول وعسى المانع خير

ثانياً: الضاهر إخلصت الأشياء اللى يحسدونا عليها مالقوا إلا موتانا

sara

لا مافي زعل ولو يا هلا بأهل المملكة، بس الأخو الظاهر وده لو المملكة تذيع أسامى الموتى في التلفزيون. غرض شريف مو حسد

العين الساهره
انما الاعمال بالنيات ولكل امرءٍ ما نوووواه

يعني منو بهالدنيا يعرف بوطن نية الناس غير سبحانه فقط....وشووله هاللقافه والحكم على الاوادم بالمظهر...دام سبحانه يقول الاعمال بالنيات؟؟؟ يعني انتوا يا امهات الالحااا جزاكم الله خير بانكم تنورون الناس (احيانا) بس مو تكفرون فيهم بعد ماأحد عارف في بواطن النوايه الا الخالق...قدمت نصيحه جزاك الله خير ...بعد غصب لازم اتبعها مايصر...لان ربي يقول انك لا تهدي من احببت ولكن الله يهدي من يشاء ...ياربي يمكن هالبني ادم بعده ما نضه للهداية...له وقته وموعده والله العالم فيه....حسبي الله على ابليس بعض من امهات اللحا نفرو الاوادم من دينا الحنيف والسمح اللهما ياكافي...وكل هالطنطه لانهم يبون كرسي سياسي...
اقول ؟؟الهقووواه بنرد لحقبة العصور الوسطى باوروبا لما كانت الكنيسه هي مشيرة ومديرة بالاوادم
وصكوكك الغفران،،،واااي
ياربي اعتبروووووا من التاريخ
ويــــــــــــــه لاعت جبدي

أم الحفيز

ويه سلامة جبدج، صاجة كله حق هالكرسى السياسى ولى شافه نسى ربعه والمثل والقيم اللى ينادون فيها. وتلاقينه قصر اللحية وطول الدشداشة، ما عرفنالهم. ومثل ما قلتى ديننا يسر مو عسر واللى يبى الفتوى يرجع للقرآن والسنة وإلى المشايخ ذوى الثقل مو ملوت الجمعيات الخيرية